Starki Pettson a kócor Findus stej pla źiśi znatej a woblubowanej. Šwedski spisowaśel Sven Nordqvist jo napisał cełu seriju wó nima. W dolnoserbskem pśełožku Madleny Norbergoweje pśedlažy něnt druge jogo wulicowańko „Findus a góńtwa za lišku“. Knigły za źiśi wót styri lět su teke rědny dar do jatšownego gnězda.

Kócor Findus jo lubosny kjarlik, ako ma ze starkim Pettsonom a kurami spódobne žywjenje na dwórje we jsy. Jaden źeń pśiźo sused ze psom a bušku mimo: Liška jo pla njogo była a teke Pettson dej na liškowu góńtwu hyś. Pójźotej starki a kócor na góńtwu? Buźotej liški stśělaś? Abo wumyslijotej se něco drugego?

Sven Nordqvist:

Findus a góńtwa za lišku

pśestajiła Madlena Norbergowa

wót styri lěta, 28 b., barw. il.

kšuty wuwězk, 14,00 €

ISBN 978-3-7420-2665-1

www.domowina-verlag.de