Z Dešna/Dissen. Lětosa su se źiśi z dešańskeje źiśownje „Wichtelland“ pśegótowali. Tak su směli zogoliś a pó jsy śěgaś. Małke źowća a gólce kradu napina, cełu wjas wótganjaś. Togodla su źiśi we kupkach ducy byli. To jo było srjodu, 9. februara. Małke camperaki njejsu dejali klinkotaś pla luźi. Wóni su jano wobalki zatkali do listowych kašćikow. Wobalki su źiśi namólowali. Kužde góle jo raz było na rěźe. Wšyknym jo to wjasele napórało. Młoge luźe su jaja dali abo słodkosći. Wejsanarje su wobalki tym źiśam slědk dali. Něnto njejsu byli wobalki wěcej prozne! Nutśi su byli pjenjeze a powěsći, lube póstrowy a žycenja. Wótkubłaŕki su źiśam wšykno pśedcytali. Źiśi a wótkubłaŕki su se wjelgin wjaselili! Z pjenjezami budu grajki kupiś.