Z Bórkow/Burg. Wót nowembra 2021 eksistěrujo źěłowa kupka „Komunalna struktura“ gmejnow Bórkojskego amta. We tej kupce stej pśecej zastupnika resp. zastupnicy z tych šesć gmejnow togo amta a teke pśistajone amtskego zastojnstwa. Wót togo su na pśikład informěrowali na homepage Smogorjowa www.schmogrow.de.

Zgromadnje se zaběraju z pšašanjami pśichodnego wuwiśa Bórkojskego amta. To se tšoj paralelnje k wugótowanjeju integraciskego komunalnego wuwiśowego koncepta (IKEK), a to až do kóńca lěta 2022. Źěłowa kupka dej se pšawidłownje zmakaś a wuźěłaś naraźenje statkowanja za tych šesć gmejnskich zastupnistwow, w amtskem wuběrku a za wobydlarje.

Lěc na kóńcu togo procesa buźo se stwóriś wjelika gmejna, abo lěc ten amt wobstoj tak ako wón něnto jo abo lěc hyšći cełe hynakše struktury se stwórje, to buźo ta źěłowa kupka w pśiducych mjasecach diskutěrowaś. Na kóńcu deje to wobydlarje a wobydlaŕki w gmejnach Bórkojskego amta to roszuźiś,.