Voata soat, Kiee sinn zu oln. „Foart man beede. Eene von die Ludasch is kolldrich un stoßt. Noach vakerte Seite loafn se och imma. Doa muß sich denne eena von eich uff Weg stelln, dass se nich vobei kenn. Nemt noch een Knippl mit. Eena lickt schonn doa.“

Sinn wa denne los, unsa Kleena un ich, ruff uff Räder un en egerbt uff Wiese. Kiee wulldn emolkn wern.

Wie wa nu doa woarn, Koppelkastn aus utten un Droat weg, at es sich bewoareitet, wie unse Voata esoan at. Estanden uff Weg oabe ich mit mein Knippel in And. Keene Ku sullde an ma vobei komm.

Natierlich koam se alle bei mir lank. Als erschtes das varickte Vie.

Ich oabe bei mir edacht: „Du derfst dir nich von Stelle riern und zeijn, das de dir firchtest.“

Ku at sich aba nich beirrn loaßn, och nich von mein Stock. Die koam immer nejer. Erner uff ma ericht. Zu guda Letzt kunde ich se nur bei die Erner packn, denne at se mit ma en un er eschleidat.

Blos man gut das unse Junge mit woar, sunnst ette das schlimm endn kenn. Der at se denn futt etriebn“Vaflickschtes Luda, dir wer ich berschtn!“ un mir erettet. Eeme oabn wa se denne och noch ekricht. Ne ganz scheene Uffrejung woar es aba schonn.