Z Chrósćic/Crostwitz. Nowe pśedsedaŕstwo Serbskego šulskego towaristwa (SŠT) jo se zmakało pónjeźele wjacor w Chrósćicach z pśedsedarjom Domowiny, Dawidom Statnikom, a z noweju domowinskeju referentku za kubłanje a spěchowanje dorosta, Katrin Suchec-Dźisławkoweju. Dalej su se wobźělili na wobradowanju Beata Brězanowa, wjednica Rěcnego centruma WITAJ, a Diana Šołćina, referentka Krajnego zastojnstwa za šule a kubłanje. W srjejźišću su stojali kubłańske pšašanja w Górnej Łužycy, kooperacija w kubłańsko-politiskich nastupnosćach, skšuśenje a dalejwuwiśe serbskeje šulskeje seśi, wabjenje za dorost ceptaŕstwa a pśigótowanja zarědowanjow w zwisku z jubilejom 20. „Chróšćan zběžka“ (Crostwitzer Schulstreit). „Comy kompetence nadregionalnego fachowego towaristwa do wuźěłanja swójskich serbskich konceptow za pśichod serbskich kubłanišćow zapódaś“, jo groniła Katharina Jurkowa, pśedsedaŕka Serbskego šulskego towaristwa, pó rozgronje.