Z Budyšyna/Bautzen. Jano tyźeń pó tom až bu nowe Zwězkowe pśedsedaŕstwo Domowiny na głownej zgromaźinje w Slěpem wuzwólone, su se jogo cłonki na konstituěrujucem wobradowanju zachadnu sobotu zmakali. Prědne pósejźenje su hybridnje pśewjadli, 15 luźi jo na žurli budyšyńskego Serbskego doma było, źaseś jo se doma pśed kompjuterom wobźěliło. Pśedsedaŕ Domowiny Dawid Statnik jo wósebnje nowym cłonkam sobu na puś dał, až jo zwězkowe pśedsedaŕstwo „gremij, kenž wjelgin na konsens statkujo. Musymy rozsudy twóriś, kótarež wětšyna sobu njaso.“