Ze Slěpego/Schleife. Nowe Zwězkowe pśedsedaŕstwo Domowiny, ako bu wuzwólone 12. junija na Głownej zgromaźinje w Slěpem, wobstoj z dogromady 30 cłonkow. To su pśedsedaŕ a jogo dwa zastupnika, a k tomu 27 cłonkow z pěś župow a 13 nadregionalnych towaristwow a zjadnośeństwow. To su jadnasćo žeńskich a 16 muskich, a mjazy nimi jo 14 nowych, wósebnje młodšych cłonkow. Nejmłodšy cłonk jo 19 lět, nejstaršy 71 lět. Wuzwólili su dalej cłonkow financnego wuběrka a změrcojskego wuběrka (Schlichtungsausschuss), kuždy z pěś cłonkami. Zastupniki z Dolneje Łužyce pak pódla njejsu.