Bužakojc Peter jo běgaŕ na dłujkich cerach a organizěrujo wuběźowanja.

Z Hajnka/Hänchen. Kóńc maja jo tudy zachopił prědne „Ultradłujke wuběźowanje“, to jo 62 kilometerow dłujke. Ako „wjerašk“ jo kuždy běgaŕ (pśi kilomejtarje 28) dejał górjej na ten rozglědowański torm pla Žylowka. Kuždy, kenž jo tu cełu ceru zmejstrował, jo krydnuł medalju. Dobyśaŕ jo był Sven During, wón jo trjebał za to cełe styri góźiny a 47 minutow (4:47). Pšawe wuběźowanje to njejo było, ale dla pandemije jano indiwidualny běg. Tam jo jadnab 42 luźi wobganjało tu ceru. Te dwójorěcne medalje su se dobyśarje wótholili. Na nich stoj „Ultra-Lauf Cottbus/Ultradłujke wuběźowanje Chóśebuz“. Peter Bužak jo rozkładł: „Som wótrosł we serbskej jsy, som absolwent Dolnoserbskego gymnaziuma a to serbske słuša do našych stronow. A dwójorěcnosć jo se wšym wobźělnikam spódobała.“

Aby wobźělniki namakali drogu, jo kuždy krydnuł tu rutu ako gps-track a jo se na taki part nawigěrował daś z gps-zegerom. Interesenty mógu se te gps-daty pśipósłaś daś, jo Peter Bužak gronił. Wón jo kontaktěrowaś pśez https://mad-chicken-run.de.