PŠAŠATA RĚPA

Małe zagrodniki w Žylowje

Awtor: Stefanie Krawcojc stwórtk, 06. maj 2021
How su wiźeś źiśi z kupki „Błudniki“. Wóni słuchaju, což Delia a Pascal wulicujotej. Delia a Pascak rozkładujotej, kak deje wobchadaś z rostlinami.

Lube źiśi,

kak se Wam źo? Sćo doma? Móžośo do źisownje? Do šule drje njesmějośo. Ja musym źěłaś.Tak to jo. Ja mam powěsć za was. To jo něco ze Žylowa. Tam jo Witaj-źiśownja. Cytaj, cytajtej abo cytajśo!

„Źiśi kupki ‚Błudniki’ su pśed chylu kradu płošyli. Naraz su stojali luźe wót firmy EDEKA na dwórje! Co su wóni kśěli? Wóni su kśěli natwariś wusoku grědu. Ta grěda dej byś za źiśi, kenž su styri do šesć lěta stare. Ta grěda jo za zeleniny. Luźe wót EDEKA su kśěli tam zeleninowe rostliny sajźaś a zeleniny wuseś. To cełe stej nawjedowałej Delia a Pascal wót Zežywidłoweje załožby EDEKA. Kak jo k tomu pśišło?

To jo było tak: ta žylojska źiśownja jo se wobźěliła na wuběźowanje. Wóna jo była mjazy dobyśarjami. Tak jo pakśik doleśeł do Žylowa. Nutśi su byli rědy za fachowe źěło w źiśownjach. To su byli kanki a šorce, teke knigły wó zeleninaŕstwje. Tak su dejali pśedšulske źiśi lažko wuknuś, až zeleniny njerostu w supermarku. Źiśi mógu na taki part zeleniny wuseś, wótwardowaś a žněś. Na kóńcu mógu wóni wšykno jěsć. To dej se teke wustatkowaś na to, co a kak źiśi raźi jěźe.

artikel pógódnośiś
(0 )
Pšosym zalogujśo se, cośo-li komentar dodaś
 

Pśiźo k Wam do domu z postom
abo roznosowaŕ Wam jen pśinjaso

  • nejnowše powěsći wót serbskego žywjenja
  • tšojenja, reportaže, portreje, měnjenja
  • ze serbskich jsow a z města
  • wót 26,40 € na lěto

Nowy Casnik skazaś


połny pśistup za Nowy Casnik online a za e-paper

  • cełe wudaśe k lazowanju online
  • archiw slědnych wudaśow
  • fotografije woglědaś, artikele komentěrowaś
  • wót 14,40 € na lěto (za abonentow śišćanego wudaśa jano 9 €)

Nowy Casnik online skazaś