Dolabujomy my w toś tych dnjach a tyźenjach zachopjeńk politiskego procesa, z kótarymž njejsmy licyś mógli? Nimske zwězkowe sudnistwo, kótarež šćita statnu konstituciju, jo rozsuźiło, až jo do tych měst płaśeca kazń za šćit pśirody njegótowa. Móžoš groniś: Źěrata. A z tym faktiski – wzejomy-lic cełu wěrnosć do wócowu – njepłaśiwa. Serbksi gronimy: Za Starego Fryca! Ten hyšći płaśiwy statny „pśedpis“ póstajijo, až deje se emisije tšašnych gazow (mjazy nimi te z janšojskeje elektrarnje) až do lěta 2030 wo 55 procentow znižyś. Hyšći raz: Až do lěta 2030!

A co pón? W našej nejwušej statnej kazni stoj, až šćita wóna teke „pśiduce (!) generacije a jeje pśirodne žywjeńske zakłady.“ To groni, až njamžomy my źinsajšne z naduteju gubu do swěta tšubiś, až my wšykno (!) gótujomy ... a tak dalej.