Z Rownego/Rohne. Ema Kralowa jo se narodźiła 1931 w Rownem hako nejstarša dźowka Jańšoc familije. Doma su pójedali rjanu Slěpjańsku serbšćinu a su měli wyršoft, na kóteremž jo Ema dźěłała. Dyž jo była dźewjetnasćo lět stara, jo chopiła na tom kněskem dźěle ći starem jagarju Skemjelu, a ho tom gólnikaŕstwje jo wóstała až do junija dźewjetnasćo stow a wósymadźewjećdźeseć. Z drugimi serbskimi gólicami jo nejpjerjej w Slěpjańskem rewěrje a pózdźej w dalšej hokolinje sajdźała chójcowu gólu. To jo było jare ćěžke dźěło, ale šwarne jo doch było, praji Ema Kralowa. „Prjenje lěto smy flancowali, to było až do maja. Pón smy musali trawu žněć a rjos. A pón smy musali te rinki kopać. Hundert meter som musała kuždy dźeń šafnuć z tym kopanim. No jo, a pón nazymje, pón sy musała Jungwuchspflege gótować, te brjeze rubać, te chójce ... Te rinki su byli meter šyroke, a což jo pón było auf dem Balken, to sy musała šycko ze sekeru rubać oder, až jo małe było, ze serpom rězać.“ Tajke a wjele drugego jo mi naša jubilaŕka pójedała, dyž som ći njej wótery raz sejdźeła w kuchyni aby stojała mjez kokošow a kóckow na dwórje.