Z Grodka/Spremberg. Pśed někak 20 lětami, 22. maja 1991, su tudy we Frycowem gaju (Friedrichshain) załožyli Gólne zjadnośeństwo ‚Pódzajtšny grodkojski wokrejs‘“ (Forstbetriebsgemeinschaft Ostkreis Spremberg, FBG). To zjadnośeństwo jo se wuwijało, licba cłonkow bywa wuša a grunty w góli pśiběraju. K tomu jo ten FBG hyšći fuzioněrował z drugimi gólnymi zjadnośeństwami, w lěśe 2005 z FBG we Wjelikem Kólsku/Derbnje (Groß Kölzig/Döbern), 2008 z tym w Dubrawje a 2017 z Gózdom (Gosda I). W góspodaŕskej rozpšawje pśedsedaŕstwa togo FBG stoj kóńc lěta 2020, až 606 cłonkow jo, z 2.870 hektarami góle. Ten FBG se wupśestrějo źinsa někak na Baršć, Derbjański amt, Grodk a w pódpołdnju na stary wokrejs Běła Wóda do Mužakowa. We tych stronach bydli teke nejžwětša licba wobsejźarjow góle, kótarež su cłonk w FBG. Dla demografiskego wuwiśa, derbnjenja a kupjenja ma FBG něnto teke cłonki zwenka tych stronow, w Budyšynje, pódzajtšnej Sakskej a barlinskich stronach.

Co to jo, gólne zjadnośeństwo?