Z Janšojc/Jänschwalde. Młogi se mysli, až na „Little Cow Ranch“ su krowy žywe. Tomu pak južo dłujko wěcej njejo tak. Mjaztym jo źewjeś kónjow we srjejźišću na Rademacherojc dwórje.

A te mógu se wjaseliś, dokulaž póžywaju rědne žywjenje w Janšojcach. Gregor Rademacher wě, co maju te zwěrjeta raźi a co napórajo jim wjeliki štres. Gaž wón powěda wót swójeje „rentnaŕskeje groźi“, měni wón z tym, až njezawinujo žednu wobuzu za kóńje. Rozmjej: Wóni su južo dojśpili „bibliske starstwo“ mjazy 28 a 32 lětami. Glědajucy na atualnu situaciju, njeby Gregor Rademacher nawězał žeden kontakt z drugimi kónjami: „Take něco jo rowno głowna zawina za to, až schórjejo wjele tych na kóńjecem herpesu. Móje zwěrjeta wóstanu mjazy sobu, dla cogož njejsu wjelgin wobgrozone pśez infekciju.“ Wušej togo wě, až lubuju kónje zwuconu atmosferu, wósebnje w krejzu familije. Wóni se wobijaju wšogo štresa, dla cogož njeby Gregor Rademacher se nigdy wobźělił pśi rejtowańskich turněrach.