Wladimir M. Grinin jo nejwušy diplomat a zastupnik Rusojskeje federacije w Nimskej. Južo dlejšy cas zastupujo wón ako wjelikopósłańc (Großbotschafter) swój kraj w BRD. Na droze „Pód lipami“ w Barlinju, blisko znatych Bramborskich wrotow, ma swoju rezidencu, gromaźe z bejneju licbu rusojskich diplomatow a sobuźěłaśerjow pósłaństwa. Jo to bejnje wjelike twarjenje, kótarež bu pó lěśe 1945 tam natwarjone, w stilu tegdejšneje architektury, bejnje bombastiske, ako jo póstajił tegdejšny stalinistiski cas.