Wjerbańska wósadna pedagogowka Ina Vetterikowa (lěwa), wuša promštowka Theresa Rineckerowa a Hartmut Leipner. Foto: Frank Matijašk 
Wjelgin zglucona nimsko-serbska namša
Na njeźeli judika, pśedslědnej njeźeli pśed jatšami, smy pó dlejšem casu zasej swěśili nimsko-serbsku namšu, a to we rědnej wjerbańskej cerkwi. Wóna běšo połna (se wě z wótstawkom), luźe su pśichwatali z wokolnych jsow, wšakich drugich serbskich jsow, z města a Barlinja – dogromady 75 luźi. Wjele źowćow a žeńskich jo pśišło w serbskej nam-šaŕskej drastwje.