Z Picnja/Peitz. Wót sedymźasetych lět jo Lothar Fillmer (83) statkował ako pśedsedaŕ picańskego jagaŕstwa. Pó pśewrośe jo wón pomagał zasej wóžywiś towaristwowe žywjenje jagarjow, ako jo se wobźělił pśi załoženju wokrejsnego a krajnego zwězka jagarjow. Rentnaŕ Fillmer jo pśed lětoma wótstupił wót pśedsedaŕstwa, ale jo hyšći cesto ducy w swójich góńtwaŕskich rewěrach. Jogo angažement jo w rozgronje wopisał.