Z Města/Cottbus. Frances Herrmannojc, chytaŕka kopja (Speerwerferin) musy swój wšedny źeń kradu strukturěrowaś. Rozmjej: Wóna co dobyś pśi Paralympiskich graśach, kótarež deje lětosa byś mjazy 24. awgustom a 5. septemberom w Tokio. „Se wě, až dajo hyšći wjele pšašanjow k tomu wusokemu celoju. Mamy pak gluku, až móžomy pód aktualnymi wobstojnosćami zewšym w domowni treněrowaś. Njeglědajucy na dobru situaciju how w paralympiskem centrumje njejo wšykno móžno, lockdowna dla. Wence abo w športojskem lěgwje treněrowaś na pśikład njejźo“, wulicujo Chóśebuzaŕka. Howacej jo Frances Herrmannojc pśecej mejstrowała wjele zadorow.