Ze Zaspow/Saspow. „Towaristwo jo žywe wót towaristwoweje statkownosći. Pitśku pógiba a zgromadnosći musy byś, to jo, což wucynijo towaristwo“, groni serbski Zaspowaŕ Bernd Kamjeńc, prědny pśedsedaŕ Drastwinego a domowniskego towaristwa Zaspy – woblutujucy, až take normalne towaristwowe žywjenje, se wě, tuchylu njesmějo byś. Napšawy pśeśiwo rozšyrjenjeju korona-wirusa tym zgromaźinam, swěźenjam a drugim zarědowanjam zadoraju. Jo pód takimi wobstojnosćami weto někake planowanje za lěto 2021 móžno? Na co ze zachadnosći zaspicke towaristwo nawězujo?