Z Janšojc/Jänschwalde. Chtož jěźo pó tej jsy, wiźi pśi někotarych dwórach lylowe kśice. Žołte kśice su znaty symbol: Z nimi zwurazniju luźe njespokojnosć z transportami atomowych wótpadankow abo z wudobywanim brunice. Lylowe kśice su nowy fenomen. Co za tym štycy? To jo Casnikoju groniła Regina Krawcowa wót tudy: „To jo symbol, až njepśigłosujomy natwarjenjeju noweje spalaŕnje na gruntach janšojskeje milinaŕnje“. (Wót spalaŕnje jo Casnik pisał we wudaśu 40/2020.)