Take žabki su baslili we Wětošowje. Pśedłogu su namakali w casopisu „Płomje“. Tina Šmitowa 
Lube źiśi,
źinsa cytajośo list z Wětošowa. Tam su źiśi wšake dožywili we ferijach. To jo nam Witaj-wótkubłaŕka Anke Gräfowa napisała. Cytaj sam, cytajtej samej abo cytajśo sami!
„Teke w našom ‚Horśe móžnosćow we Wětošowje smy wjele dožywili w nazymskich ferijach. Wjerašk jo był wulět do Gatojc. Tam smy byli w ‚Parku za dožywjenja‘. Smy byli na suwance, to jo bona za sańkowanje. Smy rozwězali zajmny parkowy kwis. Młoge pšašanja su byli wó serbskich bajkowych póstawach. Tam su Witaj-źiśi pomagali drugim hortowym źiśam. Witaj-źiśi su hyšći mógali wěcej wulicowaś.
