Žylojske wobydlaŕske towaristwo ma kužde lěto wšake póbitowanja, z kótarymiž se towarišnostne žywjenje w tom pódpołnocnem źělu Města wobogaśujo. Tak jo było teke pśedwiźone za 2020, kalender jo pak był a hyšći jo pśisamem kompletnje połny ze wušmarnjenjami wót spócetnje planowanych póbitowanjow. Dla togo jo Jens Brose, pśedsedaŕ Žylojskego wobydlaŕskego towaristwa južo pśisamem rezigněrował. Su ga pśisamem wšykne wót njogo a jogo kolegow z pśedsedaŕstwa planowane zarědowanja a akcije se rozpuknuli kaž mydłowe puchoŕki.
Ako sćo musali dla korona-napołožkow ze śěžkeju wutšobu wótpowěźeś tradicionelny lěśojski swěźeń, kenž se wót někotarych lět ako „Lěśojska zagroda“ swěśi, su źe žylojske wobydlarje rowno tak ako organizatory tužne byli. Ale su byli teke połne dowiźenja naźeje na bliske wrośenje do wšednego dnja. Wšak bóžko njejo wóstało to za šesty september planowane zarědowanje jadnučke, ako jo musało wupadnuś. Bližy se toś južo rezignacija?