Z Lipska/Leipzig. Załožba za serbski lud wót lěta 1996 wuźělujo tśi stipendije za studium serbskeju rěcowu w Lipsku. Za te lěta jo se wjele stipendiatow wukubłało, ako za serbsku rěc na akademiskem pólu dalej źěła. Kamil Štumpf, Stanislav Tomčík, Marcin Szczepański, Viktor Zakar, Emilia Nimcowa, Jakub Sokół až do źinsa na pólu dolnoserbskeje rěcy, literatury a stawiznow statkuju. Za wědomnostnu sorabistiku jo ten stipendij wopšawdne žrědło za dorost.