Z digitalnego ruma/digital. Federalistiska unija europskich narodnosćow (FUEN) ma tuchylu pěś źěłowych kupkow, a to su ta za kubłanje, źěłowa kupka Non-Kin-State, źěłowa kupka nimskich mjeńšynow (AGDM), źěłowa kupka turkojskich mjeńšynow (TAG) a źěłowa kupka słowjańskich mjeńšynow (AGSM). Ta slědna, ako se zasajźujo za zajmy a nastupnosći słowjańskich mjeńšynow we Europje a za twarjenje móstow mjazy nimi, wobstoj wót 1996. Wóna jo druga nejwětša tych kupkow – ma 26 cłonkowych organizacijow, mjazy kótarymiž jo teke Domowina.