Z Budyšyna/Bautzen. Až se wótmějotej budyšyńska schadźowanka a chóśebuska schadowanka jo wjelich pśechwatało. Ale nic we wětšem zalu, ako jo to w zachadnosći było, ale online. Něźi 310 pśizjawjonych pśiglědowarjow a k tomu něźi 700 dalšnych sobuglědajucych jo se 146. schadźowanku 21. nowembra woglědało. Organizatory su byli wjelgin kreatiwne pśi koncipěrowanju schadźowanki pód wósebnymi wuměnjenjami. Pódla wirtuelnego „głownego zala“ su byli „toaleta“ a „rum za kurjenje a bara“, źož su mógli se pśisłucharje wuměnjaś. Ako pśecej su byli kabarety a muzika. Nowe wudaśe casopisa „Šeršeń“ (dermo pód www.schadzowanka.de) a kwisowy portal www.play.quizserb.de su teke pśedstajili. Animacija k wótbagrowanju Rogowa jo samo pśisłucharje z Dolneje Łužyce pozitiwnje pśechwatała.