Lube źiśi,
Waše wótkubłarje a wótkubłaŕki su pilne. Su zasej pisali. To jo list z Dešna. Cytaj sam, cytajtej samej abo cytajśo sami!
„W oktoberje smy pśewjadli wobswětowy tyźeń z temu ‚wótpadanki‘. Kuždy źeń doma a w źiśowni nastanu wótpadanki. To jo škóda, dokulaž teke wótpadanki su z drogotnych ressourcow. Ale ressource našogo swěta su skóńcne. Jo problem, až wužywamy wěcej ressourcow ako swět móžo regenerěrowaś. To jo rubjažne wužywanje a rubjažne wudobywanje na kostach pśiducych generacijow. Wó tom smy powědali w źiśowni. Pón smy glědali, co móžomy pólěpšyś. W źiśowni mamy w kuchni źělenje wótpadankow, w rumach pak nic. To smy pśeměnili. Pśidatnje smy zawjadli biowótpadanki. Njejsmy jano w źiśowni aktiwne byli, ale teke we jsy. W Dešnje smy byli ducy z wózykom za źiśi. Za wózyk smy wubaslili powjesaka ‚Kindergarten Müllabfuhr‘ a ‚Müllmobil‘. Zasajźenje jo se zadaniło. Smy namakali plasty, flašce, šnory, folije, bjacharje, tejze a šruby.