Z Města/Cottbus. Politikarje su stwórtk, 5. nowembra, wobzamknuli, až wukniki měsćańskich šulow deje se we wucbje nagubk stajiś, na cełem terenu šulow a w horśe. Reakcije su byli wšake. Za młoge starjejše jo to ok było. Druge su kradu pśeśiwo nagubkam w šulach. Moderatne nastajenje ma Wokrejsna rada starjejšych za Chóśebuz. Jeje zastupnik Maik Jorsch-Schuppe (absolwent Dolnoserbskego gymnaziuma) groni, až rada akceptěrujo napšawy pśeśiwo rozšyrjenjeju korony. Což město jo wobzamknuło, źo tej raźe pak pśedaloko. Ta rada jo se toś wobrośiła na město a na zjawnosć. Rada pišo w medijowej powěsći wót 5. nowembra, až njejo pśeśiwo nagubkam. Wóna pokažo pak na to, až taka winowatosć dej byś zmysłapołna. Źiśi w zakładnych šulach ga cesto njamógu korektnje stajiś ten nagubk sami.