Z Rogeńca/Branitz. Wokoło 20 zajmcow jo se pśinamakało njeźelu, 11. oktobra, aby se wupórało w Rogeńskem parku na wósebne wjeźenje. W takem historiskem krajinowem parku stoj se wě pomnikowy šćit w srjejźišću. Ale Sieg-linde Sackowa wót chóśebuskego regionalnego zwězka NABU jo pśi wjeźenju na to pokazała, až teke šćit pśirody a biologiska wjelerakosć w parku relewantnej stej.

W Knorawje bydleca Sieglinde Sackowa njejo jano cłonk NABU (www.nabu-cottbus.de), ale teke cłonk Pśirodowědomnostnego towaristwa Chóśebuz (www.nvn-cottbus.de), źož wóna we wobłuku botaniki aktiwna jo. Na webbokowu wobeju towaristwowu móžośo se informěrowaś wó wjeźenjach z ekologiskimi aspektami.