Dr. Měto Balašk z Barlinja pišo: Rozgrono z wobźělnicu demonstracije „Querdenken“ Nancy M. jo za mnjo pógóršne było. Ako biolog som se pšašał cogodla M. smějo mimo pśeśiwjenja wóspjetowaś kuždu nje- a połwěrnosć, kótaruž jo słyšała něźi w interneśe. Korona njejo tšašnjejša ako gripa? Snaź wóna jo zabyła: Cesto w Nimskej jano pór hundert pacientow gripy jo se testowało – wětšy źěl musy se wótšacowaś. Z koronu wšykno jo hynac: mamy hyšći wěcej pacientow (symptomatiskich a njesymptomatiskich) – južo 28,7 milionow na cełem swěśe.