Z Brjazyna/Briesen. Chtož jo ducy, jo južo zawěsće wiźeł te rědne bazowki, ako se něnto žněju. Teke Juro Hantška z Brjazyna ma slěz jsy, na směr Góry mały flak z tymi wósebnymi bomkami. Ako diplomowy rolnikaŕski inženjer se we tom derje wuznajo. Jo wótzamknuł studij na Humboldtowej uniwersiśe w Barlinju. Pótom jo był pśistajony pśi prodrustwje Chóśebuz pódpołnoc. Někotare lěta jo źěłał pśi slěźaŕskem instituśe za pógórnistwowu krajinu w Grabinje-Finsterwalde. W lěśe 1994 jo se rozsuźił sam, priwatnje jadno pśedewześe wjasć. 2000 jo załožył rolnikaŕski zawod, źož producěrujo jagły a pšušnicu. Bio, se wě. Take produkty su póžedane.

Wót 2010 jo natwarił nowy załožk, na 4 ha płoniny mjaz Brjazynom a Górami kublo baz. Se wě, až ma dosć cyniś, ale ma teke swójo wjasele na tom. Stare gałuzki muse se w nalěśu wobrězowaś. Tšawa mulchowaś abo žněś. Juro Hantška kooperěrujo z burom Dirk Drevenstedt z Kósobuza, kótaryž na 20 ha. aroniju kublo.