Z Gór/Guhrow. Dnja 5. septembrja su na Górach kśěli swójogo źasetego kokota zabijaś. Ale Domowinska kupka z wjednicu Lysann Rybackojc jo slědny tyźeń se rozsuźiła, to zarědowanje wótpowěźeś. To zwisujo z tym, kak jo žnjowny swěźeń 23. awgusta w Dešnje wótběgnuł – a Dešno-Strjažow ga słuša rowno kaž Góry k amtoju Bórkowy. Lysann Rybackojc, ako teke pśi bórkojskem amśe za pórěd źěła, jo informěrowała, až strowotniski amt jo se woglědał kokota w Dešnje a jo zwěsćił, až bejny problem ze źiwanim na wótstawk jo wobstojał. Pónjeźele tyźeń jo strowotniski amt zwuraznił, až zewšym njejo spokojom z teju wótstawkoweju problematiku. Togodla su na Górach hyšći raz pśemyslili, kak to ze swójim kokotom cynje.