Z Chóśebuza/Cottbus. W slědnych tśich lětach su cłonki „Cirkusowego festiwala Europa“ w Měsće małe a wjelike woglědarje rozwjaselili. Hyšći w decemberje 2019 su cłonki togo tradiciskego cirkusa měli ideju, až mógu zastupne pjenjeze swójich gósći za někaku dobru pśicynu pósćiś. Kjabel jo rozsuźił až „Tofla“ (Die Tafel) buźo dostaś te pjenježki, cełych euro stej Kai Noack a jogo team teje „Tofle“ dostałej.

Něnto su cirkusowe luźe sami w nuzy. Koronoweje krize dla sejźi to kompletne mustwo ze zwěrjetami w zymskem kwartěrje a musy cakaś, žedne pjenježki pak njepśidu do kase. Žeńske staraju se tuchylu wó źiśi a zwěrjeta, muske su se pytali pomocne źěła. Tak su se nanejmjenjej pitśku pjenjez zasłužyli, su sobu twarili drogu, su rěšyli kšywa a terase něźi pla luźi.