Z Města/Cottbus. Na pósejźenju pśedsedaŕstwa Domowinskeje župy Dolna Łužyca slědny tyźeń w Serbskem domje buchu pśibytne teke informěrowane wó aktualnem źěle bramborskeje Serbskeje rady. Mjazy drugim běšo se rada z tym zaběrała, lěc mógu pśewjasć lětosa w korona-situaciji kokoty w Dolnej Łužycy.

Ministaŕka:

Kokoty mógu byś!

Dla temy kokotow su tek pisali na bramborsku ministaŕku za strowotu. Ta jo Serbskej raźe wótgroniła z listom. W njom jo pisała, až jo za to, až se toś ten serbski žnjowny nałog pśewjasć móžo. To se wě, až ma se pśi tom kšuśe glědaś na wšykne póstajenja a pśedpise, ako su notne za take zarědowanja wence pód njebjom.

Pór kokotow lětosa

hyšći buźo

Až do srjejź septembra budu hyšći w slědujucych jsach kokota łapaś: 16. awgusta w Depsku, 23. awgusta w Dešnje, 5. septembra w Hochozy a w Mósće, pón 12. septembra w Drjenowje a slědkoju, 13. septembra, w Brjazynje. Na Górach kśě 5. septembra pó serbskej tradiciji kokota zabijaś.

Row za Korle Jordana dej se wobnowiś