PŠAŠATA RĚPA

Antośa Kócoric-Chmjelojska se pśedstaja

Awtor: Nowy Casnik stwórtk, 09. julij 2020
Lubujom swóje luźe. Daju mě luksusowe produkty. A jano gaž cu, pokažom jim swój brjuch. Hajckanje mě wótnapina. Foto: Viktor Zakar

Lube źiśi,

kak se wam źo? Maśo rad kócki? Grajośo rad z hajtkami? Ja mam rada dwójonogace (luźe) a cu se pśedstajiś.

Mjaw, mjaw. Mě se groni Mjaw, lube źiśi jězedawarjow (Fresschengeber). Wy pak mě groniśo hynac. Mam jadnu głownu dwójonogacku a ta mě groni Samira. Ale druge dwójonogace gronje mě Mici, Antonija, Antośa abo samo Tuši. Rozmějom serbski a mógu mjawcaś serbski. Som ga w Łužycy žywa. Ten, kenž jo pisał ten tekst ze mnu, groni mě Antośa a woła casy śicho za mnu. Ja jomu rada slědujom na droze. Gaž kólasujo, jomu do drogi skócyjom, aby mě wiźeł. Som pśisamem tak malsna ako móje pśiswójźbne – gepardy w Africe.

Som měła jadnog tłusteg bratša – kócora Antona. Smej gromaźe bydliłej. Jo se raz zminuł. Luźe su wulicowali, až jo był kšadnjony jogo gněśatosći dla. Tak su mě pó njom někotare pomjenili Antonija. Pla głowneje dwójonogacki mam kóccynu pśijaśelku – carno-włosatu Mariju. Mej se doma cesto bijomej. Carna Marija casy caka, až se wobrośijom. Łaka. Skócyjo ned na mnjo, gaž ju njewiźim. Teke ja se raz rewanžěrujom. Wjelika dwójonogacka naju togodla wen pušćijo. Pón smej licheeej!

artikel pógódnośiś
(0 )
Pšosym zalogujśo se, cośo-li komentar dodaś
 

Pśiźo k Wam do domu z postom
abo roznosowaŕ Wam jen pśinjaso

  • nejnowše powěsći wót serbskego žywjenja
  • tšojenja, reportaže, portreje, měnjenja
  • ze serbskich jsow a z města
  • wót 26,40 € na lěto

Nowy Casnik skazaś


połny pśistup za Nowy Casnik online a za e-paper

  • cełe wudaśe k lazowanju online
  • archiw slědnych wudaśow
  • fotografije woglědaś, artikele komentěrowaś
  • wót 14,40 € na lěto (za abonentow śišćanego wudaśa jano 9 €)

Nowy Casnik online skazaś