Z Grodka/Spremberg. Ze saněrowanim radnicowego torma jo se grodkojska radnica zasej do zajma zjawnosći sunuła. Mjaztym jo se stajało pótwaŕ k tormoju něźi až do běrtyla jogo wusokosći. Pózdźej buźo pótwaŕ až k tormowemu wjeraškoju segaś. Take něco jo slědny raz dało pśed 120 lětami, ako stare fota z lětowu 1898/99 pokazuju. Tencas jo se kompletna radnica saněrowała. Torm radnice jo až do wětšownice (Wetterfahne) něźi 37 mejtari wjeliki a stoj pód šćitom pomnikow. Pśez to se teke te twaŕske źěła tak lažko njepśewjedu.
Južo pśed dwěma lětoma jo dało we zwisku z radnicu kradu dobre powěsći: Pó źaseślětnem drěmańku jo radnicowa piwnica zasej swóje wrota wótcyniła. Nowej wobsejźarja Andrea a Joemi Osmani pśiźotej z Italskeje a stej namakałej w tej kjarcmje bejnu wósebnosć: Serbsku śpu („Sorbenstube“). Ta jo zacynjenje radnicoweje piwnice mimo pśeměnjenjow pśežywiła.
Njeznaty spócetk