Z Budyšyna/Bautzen. Jurij Malink, Serb a wót 1930–1938 faraŕ we Łazu (Lohsa), jo był a wóstał kšuty protestant. W casu nacisma jo źaržał na serbsku rěc we swójej wósaźe, lěcrownož gestapo jo jogo wobgrozyła a represalije wugbała. Wón jo se skobodnje wuznawał k Wuznawajecej cerkwi. „Njejsom jogo spóznał. Jogo listy a pisma naša familija pak wobchowa, som je wšykne študěrował“, wulicujo Jan Malink (64) wót swójog starkego. Malink jo wót 2003 serbski ewangelski wušy promšt. „Jogo nastajenje jo se kradu na mnjo wótbiło.“