Z Łužyce/Lausitz. W zachadnych tyźenjach stej Domowina – Zwězk Łužyskich Serbow z.t. a Serbski institut z.t. w nadawku Pśichodoweje źěłaŕnje Łužyca (Zukunftswerkstatt Lausitz) nowu brošurku wuźěłałej, kótaraž w nimskej rěcy wó sedleńskem rumje Serbow informěrujo. Pód titelom „Lausitz Łužyca/Łužica. Die Sorben/Wenden – verbinden die Lausitz“ póbituju na 28 bokach z wjelimi fotami a geografiskimi kórtami informacije z wobłukow kultura a rěc, tradicije, institucije a medije, góspodaŕstwo a turizm. Wšykne głowne nadpisma su tśirěcnje pódane – nimski, dolnoserbski a górnoserbski. Teksty pak su w nimskej rěcy, jano zawodne słowa („Serby – zwězuju Łužycu“) se namakaju w tych tśich rěcach.