Z Dolneje Łužyce/Niederlausitz. Buźomy lětosa dožywiś, kak młoźina w serbskich jsach kokota łapjo a zabijo abo wó kołac rejtujo? Pópšawem sćo mógali kužde lěto južo w juniju w Nowem Casniku cytaś, źo a ga woplěwaju w juliju, awgusće a w septembrje toś te rědne a woblubowane žnjowne swěźenje. Lětosa pak musyśo bóžko hyšći na to cakaś, a to jadno pak jo južo jasne, až tenraz ta lisćina z kokotowymi terminami dawno tak dłujka njebuźo.