„Wěsćo, co jo TikTok?“, jo pšašała serbšćinaŕka šesteje klase. Ako som gronił „Ně“, jo se zachachała. Njejsom wěrił, až budu w samskem stawje ako te „stare“, wó kótarychž se młode chachaju, až njamógu se žywjenje bźez faksa pśedstajiś a kótarež hyšći wó składowanju datow na cejdejkach powědaju.

Rewolucija medijow

Kompjuterowa technologija jo rozrosła w slědnych dwaźasća lětach ze spěšnosću swětła. We wšakich domenach jo dojšło do wjelickich změnow: Město flopydiskow a cejdejkow wužywaju se źinsa USB-sticki a twarde platy. Město małkich handyjow wužywaju se źinsa smartfony. Smartfony su pśiwzeli wjeliki źěl nadawkow laptopow, desktopowych kompjuterow a telefonow. Teke su pśiwzeli późělnje funkciju drugich rědow ako fotoaparatow. We wjelgin krotkem casu su wordowali luźe wótwisne wót smartfonow.

Wšake formy zwuraznjenja ako forumy wordowali pśisamem „zastarske“. W Serbach znajomy sławnej internecy a interserb, źož jo se serbski online žwatoriło. Tej lažytej južo dłujko w někakem datowem składowanišću jeju twóriśelowu.