Wót měrca togo lěta dožywiju serbske kubłańske drogi swóje nejśěžčejše case. Kótare wustatkowanja změjo koronowa pandemija powšyknje na kubłański niwow a na socialne wuwiśe wobydlaŕstwa zgónijomy, gaž generacija něntejšnych wuknjecych zachopijo swój pówołański puś.
Co pak se stanjo ze serbšćinu? Wótglědajucy wót jadnotliwcow, kótarež sami doma zwucuju, wuknu serbski ze źiśimi abo wuknikami a su z tym „swěcka w śmě“, njedajo wjele pozitiwnego. Zabydnjomy na wokognuśe na wšykne słabosći witaj-projekta w Dolnej Łužycy a póglědajmy, co se tuchylu tšoj.
Koronowa kriza daji serbske šulstwo. Wót źiśownje až do uniwersity jo dojšło do zastajanja wšyknych pedagogiskich serbskich aktiwitow. Wuwześe su online-kurse a dalšne awtodidaktiske procowanja jadnotliwcow. Wóni pak njejsu dosegajuce.