Lube źiśi,

kak se źo? Kak to jo w šuli? Jo rědnje, až njemusyśo tam kuždy źeń hyś?

Co cyniśo na lichych dnjach? Gótujośo kuždy źeń domacne nadawki? Gaž cośo něco drugego cyniś, mam ideju. Móžomy se młynik basliś! Swětki ga howacej pšosy na źeń młynow. Lětosa wupadnjo źeń młynow: korony dla. To jo škóda. Naše młyniki budu ale teke rědne! A to trjebaśo: Kwadratnu papjeru, nožyce, wótšu hapku, lipaty bant, lipadło, korkowy prop, słomku, kołk (na pśikład „Wurstspeiler“) a proznu plastikowu flašu. Glědajśo! Ja som wzeła drjewjany kołk. Kołk dej byś dlejšy ako ta słomka.

1. Wzejśo papjeru a nožyce. Nejlěpjej se góźe nožyce za źiśi.

2. Zestśigajśo styri raze do papjery. Wy njedejśo rozstśigaś papjeru! Zachopśo na rožkach.

3. Namažćo lipadło do srjejźi papjery.

4. Nalipniśo kuždy drugi rožk do srjejźi papjery. Glědajśo na wobraz! Tak dej wuglědaś.

5. Wótkšajśo šlapku korkowego propa. Pótrjebajośo tśi šlapki. Kužda šlapka dej někak tśi milimetery tłusta byś. Za to trjebaśo wótšu hapku. To jo nadawk, ako móžośo starjejšym daś. Teke dorosćone ga mógu pomagaś.