Z Wórjejc/Hoyerswerda. Južo někotare lěta stej Grod a měsćański muzej Wórjejce za se góźeceju chowaŕnju za swóje zběrkowe dobytki pytałej. Dawjeto su wuspěch měli a se bejnje wjasele. W lokalnych medijach jo Steffen Markgraf, jadnaŕ Bydleńskego towaristwa Wórjejce (Wohnungsgesellschaft mbH Hoyerswerda) problem muzeja zgónił, jo se wobrośił na grodowu wjednicu Kerstin Nowakowu (Noack) a jo póbitował rumnosći w centrumje města, ako by mógli za chowanje muzealneje zběrki najmaś. Dotychměst su te nazběrane objekty na najśpě groda wuchowali. Ale noseca śěža jo za to stare twarjenje problematiska, a te tamne chwjaśa temperatury njejsu gódne za te změstymi sensibelne muzealne objekty. Togodla jo nowy depot kradu notny. Su pśepytowali póbitowanje Markgrafa glědajucy na twaŕske wobstojnosći a na financielny ramik a wobej partnarja stej se dojadnałej.