Z Baršća/Forst. Dobru powěsć, nic jano za źiśi, ale wósebnje za młodych starjejšych wjelgin zwjaseleca jo, su znate cynili slědny tyźeń srjodu na šestem pósejźenju wokrejsnego sejma Sprjewja-Nysa. Krajny raźc Harald Altekrüger ga jo tam k wěsći dał, až maju prědk, až mógu 2. junija, to groni ned pó swětkach, zasej wšykne źiśi wokrejsa hyś do źiśeceje zagrodki. To ma se něnto wšykno derje pśigótowaś wót wokrejsnego zastojnstwa a wót źiśownjach samych. Se wě deje se mjazy drugimi mjeńše kupki ze źiśimi zestajiś a to cełe žywjenje w źiśowni se nowo rědowaś. Glědaś kśě teke za tym, až namakaju dalšne rumnosći za wobstaranje źiśi.