Muzej pód gołym njebjom na Lědach pšosy zasej na woglěd

Awtor: Nowy Casnik stwórtk, 21. maj 2020
Serbska burska śpa wokoło lěta 1850. Fośe: Bernd Marx

Z Lědow/Lehde. „Smy wjasołe, až zasej gósći pówitaś móžomy a smějomy“, groni Roswitha Winterowa, sobuźěłaśeŕka Muzeja pód gołym njebjom na Lědach. Toś ten wót 1956 wobstojecy a z tym nejstaršy muzej pód gołym njebjom w Bramborskej jo wót kóńca apryla zasej za woglědarje a woglědaŕki wótwórjony.

Glědajucy na šćit pśeśiwo koronawirusoju su musali lětosne wótwórjenje muzeja pór tyźenjow pśesunuś. Něnto pak skóńcnje te gósći zasej mógu póglědnuś do teje tam pokazaneje něgajšneje bydleńskeje, žywjeńskeje a źěłabneje kultury wobydlarjow błośańskich stronow.

Wšak płaśe tam, ako tek hynźi, te wažne hygieniske pśedpise pśeśiwo koronje. Sobuźěłaśerje muzeja su zasadnje zawězane, aby nosyli nagubki, te woglědaŕki a woglědarje to na swójom wobchójźenju njetrjebaju, ale jim se to pórucujo. Až se doźaržujo k drugim wósobam wěstostny wótstawk wót 1,5 mejtarjow, na to pak maju ako sobuźěłaśerje tak teke te gósći źiwaś.

artikel pógódnośiś
(0 )
Pšosym zalogujśo se, cośo-li komentar dodaś
 

Pśiźo k Wam do domu z postom
abo roznosowaŕ Wam jen pśinjaso

  • nejnowše powěsći wót serbskego žywjenja
  • tšojenja, reportaže, portreje, měnjenja
  • ze serbskich jsow a z města
  • wót 26,40 € na lěto

Nowy Casnik skazaś


połny pśistup za Nowy Casnik online a za e-paper

  • cełe wudaśe k lazowanju online
  • archiw slědnych wudaśow
  • fotografije woglědaś, artikele komentěrowaś
  • wót 14,40 € na lěto (za abonentow śišćanego wudaśa jano 9 €)

Nowy Casnik online skazaś