Z Rownego/Rohne. Njepilic dwór w Rownem jo tuchylu zamknjony. „Mamy se striktnje pó pśedpisach“, groni Manfred Nickel, pśedsedaŕ Spěchowańskego towaristwa „Njepilic dwór Rowne z.t.“, „Pśedewšym naše starše cłonki su tužne, dokulaž smy musali teke zmakanja ako te tyźeńske zejźenja k woplěwanju a wobnowjenju drastwow wótgroniś. Toś felujo tym staršym to gromadne towarišenje“. Take zmakanja deje se ako prědne zasej wóžywiś, gaž to buźo móžno. Nejskerjej wót julija, ako nam gronje.