W slědnych tyźenjach su zakładne šule w Bramborskej byli zacynjone, ako napšawa pśeśiwo dalšnemu rozšyrjenjeju chórosći korony. We tom casu su wuknice a wukniki mjenjej abo wěcej doma źěłali a dostali nadawki. Kak to běžy – a kak funkcioněrujo za pśedmjat serbšćinu? To smy se pšašali Evu-Marju Lejnikojc (29 lět) z Města. Wóna jo ceptaŕka na zakładnej šuli „Astrid Lindgren“ w Chóśebuzu a wucy serbšćinu, teke w prědnych lětnikach. Pšašanja jo napisała Stefanie Krawcojc.
Nowy Casnik: Wslědnych tyźenjach njejo była wucba w zakładnych šulach. Medije su cesto pisali wót „home-schooling“, to groni: źiśi su dejali doma wuknuś, starjejše su dejali pomagaś a pśewóźowaś. Ako pomoc su dejali wužywaś nowe, digitalne medije. Kak jo to na zakładnej šuli „Astrid-Lindgren“? Sćo měli wucbu wótdaloka? Kak su Waše wukniki dostali swóje nadawki?