Korona-kriza, to teke groni: až našo žywjenje jo kradu wobgrozone. Wjele luźi jo wochylu doma a njeźěła. Šule su byli zawrěte za wětšy źěl źiśi, te nejžmjeńše wukniki hyšći su doma. Źiśownje su zacynjone. Wjele starjejšych jo (abo jo było) doma z góleśim. Což jo normalne było pśed 100 lětami, jo za nas wupominanje. Ale tencas njejo nicht źiśam a dorosćonym wukazał, zwětšego doma wóstaś, we „home-office“ źěłaś a ze źiśimi wjele wuknuś. Tšachota jo, až harmonija w domach śerpi. Kak cynim nejlěpjej, gaž som ceły źeń sama ze źiśimi? To smy pšašali nazgónitu źiśaŕku, Caro B. z Města.

Nowy Casnik: Wulicuj, ceja sy?

Ja som Caro, som 29 lět stara. Mam źiśi rada a cesto za nimi glědam. Mam kónja, psa a karnikela. Młoge źiśi pśidu ku mnjo domoj na woglěd a se kradu wjasele zwěrjetam. Kónja njestojtej doma, ale we jsy.

Kak dłujko južo glědaś za źiśimi?