„Mója stara domownja, móje kórjenje – to njok schowaś!“

Awtor: Jill-Francis Ketlicojc stwórtk, 23. apryl 2020
Hobby-šlodaŕka Michaela Peterowa rada na swóje serbske kórjenje pokažo: Wugótujo wšykne swóje rědne rucne źěła z logom „Sorbenkind“. Fota: Andrea Peterojc

Z Durinskeje/Thüringen. Nejlubšy hobby Michaele Peteroweje su wšakorake rucne źěła. Lěc šyś, wušywaś, kokulkowaś – to wšo wóna rada w lichem casu cyni, a pśijaśelam rada rozdarijo pón te rědne wěcki: Wukokulkowane zwěrjetka, źiśece pókšywadła, kamzole, bluzki, zece a wjele, wjele wěcej – w casach korony teke nagubki. Dłujko južo wóna pśicynja na wše swóje twóŕby logo „Sorbenkind“. A ze swójeje noweje domownje Durinska wóna pósćelo swóje Sorbenkind-nagubki teke do stareje domownje, do Grodka.

W lěśe 1961 jo se Michaela w Grodku naroźiła a jo tam wótrosła. Ako dwaźasćalětna jo swóju bramborsku domownju spušćiła a ze cłowjekom do Durinskeje śěgnuła, źož bydli na jsy jadnab 20 kilometerow wót Weimara zdalona. Ale emocionalnje ma nadalej wuski zwisk k něgajšnej domowni, ma tek pśecej hyšći wjele pśijaśelow w Grodku, z kótarymiž nadalej dobry kontakt woplěwa. A teke bźez togo, až jo serbsku rěc nawuknuła, a bźez togo, až jeje starjejšej tu rěc stej powědałej, wóna rada na swój serbski póchad pokazujo.

artikel pógódnośiś
(0 )
Pšosym zalogujśo se, cośo-li komentar dodaś
 

Pśiźo k Wam do domu z postom
abo roznosowaŕ Wam jen pśinjaso

  • nejnowše powěsći wót serbskego žywjenja
  • tšojenja, reportaže, portreje, měnjenja
  • ze serbskich jsow a z města
  • wót 26,40 € na lěto

Nowy Casnik skazaś


połny pśistup za Nowy Casnik online a za e-paper

  • cełe wudaśe k lazowanju online
  • archiw slědnych wudaśow
  • fotografije woglědaś, artikele komentěrowaś
  • wót 14,40 € na lěto (za abonentow śišćanego wudaśa jano 9 €)

Nowy Casnik online skazaś