Na wjelikima dwěma sćěnoma w gósćeńcu „Ballhaus“ we Brjazynje wise rědne fota zapustow we tej jsy. Dogromady jo jich to 19, to nejstarše jo z lěta 1976. Skóro pśiźo nejskerjej k tej pyšnej galeriji hyšći nowy wobraz – ga ten wót 150. jubilejnego zapust 4. měrca.

Jadno cełe lěto su we Brjazynje zapustojski jubilej pśigótowali. Kupka z 9 cłonkami jo měła to wšykno w rukach, za tu staršu generaciju naprědku Katrin Hotzanowa a za tu młoźinu Wylem Janhoefer a Clara Standfußojc.