Rolnikarje muse něnto teke wó źěłaśerje z Pólskeje tšach měś. Pśeto w Pólskej płaśe wjelgin wótše wustawjenja za pśestupjenje granice. Wobydlarje Pólskeje, ako pśidu znak z wukraja, muse se powdaś karantenje a dwa tyźenja doma wóstaś.

Ta słušnosć kwaranteny njejo doněnta płaśiła za źěłaśerje, kótarež wopokažu, až su pśistajone w Nimskej. Něnto pak, wót zachadnego pětka, płaśi to wustawjenje za wšykne. Stakim jo to jězdźenje kuždy źeń na źěło do Nimskeje zakazane. Wót togo njejo w Nimskej jano rolnikaŕstwo pótrjefjone, ale teke strowotnistwo a wótwardowanje chamnych a chórych – dwójake wobcerjenje, źož wjele pólskich luźi źěła. W Bramborskej šacuju jich licbu na wěcej ako 10.000 luźi, kótarymž něnto śěžko pśiźo w Nimskej źěłaś.

Bramborska jo ned na to pólske wustawjenje reagěrowała: Wóni kśě płaśiś pólskim źěłaśerjam na źeń 65 euro z krajneje móšyny (a za kuždego cłonka familije dalšne 20 euro), aby domoj njejězdźili, ale how wóstali a źěłali.