Z Lubina/Lübben. Srjodu tyźeń jo Błośański žeńskecy chor Lubin pśi góźbje swójogo 45-lětnego wobstaśa na Serbskem burskem dwórje w Kamjenej (Steinkirchen) rědny towarišny wjacor pla Błośańskeje Christloweje pśebyś kśěł. Wóni su se wjaselili mjazy drugim na wobźělenje na górkowem seminarje. Ale su musali to bóžko wótpowěźeś dla aktualnych napšawow.
Rowno tam w měsćańskem źěle Kamjena jo se ten chor dnja 18. měrca 1975 załožył. Wót cełego zachopjeńka su słušali teke serbske spiwy k jich repertoire, wóni su dostali pśecej zasej póstarki, aby jen dalej rozšyrili. Jo teke něco wósebnego, až su južo w DDR-skem casu w serbskich drastwach wustupili, na pśikład na festiwalach w Budyšynje.